Американинг Жоржия штатида учта спа-салонда уюштирилган отишмаларда етти киши ҳалок бўлди, деб ёзади «РБК». Кейинроқ қурбонлар сони саккиз кишига етгани хабар қилинди.
CNN маҳаллий полицияга таяниб хабар беришича, биринчи қотиллик Чероки округидаги спа-салонда юз берган. У ерда номаълум шахс салонга кириб, сўнг ўт очган. Ҳужум оқибатида уч киши ҳалок бўлган, яна икки киши яраланган, полиция уларнинг спа-салон ходимлари ёки мижозлари бўлганига аниқлик киритмади.
Қолган иккита ҳодиса Атлантада, ёнма-ён жойлашган Gold Spa ва Aroma Therapy спа-салонларида юз берган. Полиция маълумотларига кўра, биринчи салондаги отишмада уч аёл, иккинчисида — бир аёл ҳалок бўлган. CNN қайд этишича, қурбонларнинг келиб чиқиши осиёлик бўлган.
Полиция қотилликлар ўртасидаги боғлиқлик ҳозирча аниқланмаганини маълум қилди.
Кейинроқ Fox5 телеканали Чероки округидаги қотилликда қумонланувчи қўлга олинганини, у вудстоклик 21 ёшли Роберт Аарон Лонг бўлиб чиққанини хабар қилди. У учала салонга ҳужумда гумон қилинмоқда.
Мавзуга доир:
Изоҳ (0)