Қирғизистон президенти Миллий хавфсизлик давлат қўмитаси раҳбари Қамчибек Ташиевнинг хавфсизлигини таъминлаш чораларини кучайтириш тўғрисида қарор қабул қилди. Бу ҳақда 24.кг хабар берди.
Маълум қилинишича, президент Миллий хавфсизлик давлат қўмитаси раҳбари коррупция, жиноятчилик ва экстремизмга қарши курашнинг бошида турганини яхши тушунади.
“Қамчибек Ташиев ҳақиқатан ҳам қаердан келишидан қатъи назар, миллий хавфсизликни барча таҳдидлардан ҳимоя қилиш бўйича кенг кўламли фаолиятни бошлаб юборди. Шу мақсадда у кимгадир номақбулдек туюлган чора-тадбирларни амалга оширади, одамларни мартаба, ҳамёнининг қалинлигига қараб ажратмайди. Қонун олдида ҳамма тенг, давлат манфаатларини заррача бузишга уриниш учун ҳамма жавоб бериши керак”, — дейди журналист Ўткирбек Раҳмонов.
У генерал Ташиев жиноий элементларда фарқли ўлароқ, ўз сўзида туришини айтди.
“У бир пайтлар уюшган жиноятчиларга мурожаат қилар экан, уларда ўз ватанига хизмат қилиш имконияти борлигини, уларни ҳеч ким қувғин қилмаслигини айтди. Бу ваъдани ҳозиргача бузмаганман”, — дея қўшимча қилди у.
Изоҳ (0)