Остона суди собиқ депутат, рўйхатдан ўтмаган “Эл-Тиреги” партияси етакчиси Нуржан Алтаевни давлат хизматида лавозим эгаллаш ҳуқуқидан умрбод маҳрум қилиш билан 10 йилга озодликдан маҳрум қилди. Бу ҳақда Тhe Village хабар берди.
Нуржан Алтаев жуда катта миқдорда пора олганликда айбдор деб топилди. У унга нисбатан қўзғатилган жиноят ишини “сиёсий буюртма” деб атайди ва айбловларни тан олмайди.
“Мен сиёсатчиман ва сиёсий фаолият билан шуғулланаман. Ҳокимиятни танқид қилдим, шунинг учун улар мени қамоққа ташлашга қарор қилди”, — деди Алтаев судда.
Суд ҳукмига кўра, Алтаев жазони умумий режимдаги колонияда ўташи керак. Суд ундан пора сифатида кўрсатилган 50 миллион 116 минг 20 тенгени “ноқонуний йўл билан орттирилган мулк сифатида” ундиришга қарор қилди. Собиқ депутат иши ёпиқ эшиклар ортида ўтди. Ҳукм қонуний кучга кирмаган.
Нуржан Алтаев 2019 йилнинг февралидан 2020 йилнинг ноябригача “Нур Отан” (ҳозирги “Aманат”) партиясидан парламент депутати бўлган. Уч йил олдин у мухолифат партиясини яратиш режасини эълон қилган эди. Алтаев “Нур Отан”дан чиқариб юборилиб, депутатлик мансабидан маҳрум қилинган. Собиқ парламент аъзоси бир неча бор расмийларни “Эл-Тиреги”ни рўйхатдан ўтказишга тўсқинлик қилганликда айблаган.
Изоҳ (0)