Сув хўжалиги ва ирригация вазири Нуржан Нуржигитов Қозоғистонга қўшни Қирғизистондан сув етказиб берилиши билан боғлиқ вазиятга изоҳ берди. Бу ҳақда Tengrinews хабар берди.
“Қандай қилиб биз бошқа давлатларга қарам бўлиб қолдик? Масалан, бизга боғлиқ бўлмаган сабабларга кўра Қирғизистон сувсиз қолса ёки сув беришдан бош торца нима бўлади?” – деб сўради журналистлар вазирдан.
“Бу трансчегаравий дарёлар бўлиб, Қирғизистондан бошланади, сўнгра ўз йўналиши бўйича Қозоғистонга ўтади. Табиат ўзи шундай қилган. Эндиликда бизда Шу ва Талас дарёлари ўртасида аниқ бўлиниш мавжуд. Агар Таласда 50/50 бўлиниш бўлса, демак, 12 ой ичида қанча сув ўца, 50 фоизи Қозоғистонга келади. Шу дарёси бўйлаб эса 42 фоиз Қозоғистонга, 58 фоиз Қирғизистонга. Лекин ҳамма нарса ҳар йилги сув таъминоти ҳажмига бог”лиқ”, — дея жавоб берди Нуржигитов.
У сўнгги уч йил давомида юқоридаги икки дарёда сув оқими камайганини айтди. Бу масалани тартибга солиш учун Қишлоқ хўжалиги вазирлиги билан биргаликда экин майдонлари таркибини қайта кўриб чиқиш ишлари олиб борилмоқда.
Журналистлар Қозоғистон Қирғизистон ва Ўзбекистон жанубий вилоятларга сув етказиб беришни тўхтатиб қўйиши эҳтимолини ҳисобга оладими ёки йўқми, бу борада бирор чора-тадбирлар режаси бор, йўқлигига аниқлик киритди.
“Сирдарё ҳавзаси ҳамда Шу ва Талас дарёлари бўйича махсус комиссиялар ташкил этилган, шу комиссиялар доирасида чора-тадбирлар кўрамиз, сувни ҳар бир даврнинг мавжудлигига қараб тақсимлаймиз. Шунинг учун, сув бутунлай ёпилади, дейиш хавфи йўқ. Бу давлатлараро ҳамкорлик. Қозоғистоннинг бу давлатлар билан ҳамкорлик қиладиган бошқа соҳалари ҳам кўп. Шунинг учун бунинг бир томонлама ёпилиши ҳақида гапира олмаймиз”, — дея хулоса қилди Нуржигитов.
Изоҳ (0)