Европа Иттифоқи Ғазо сектори устидан назоратни Фаластин маъмуриятига топшириш тарафдори. Бу ҳақда Европа Ташқи ишлар вазирлиги раҳбари Жозеп Боррел маълум қилди.
“Исроил ва ҲАМАС Ғазода қолмаслиги керак. Назоратни ўз қўлига олиши ва аҳолига хизмат кўрсатиши мумкин бўлган ягона вариант — Фаластин маъмурияти. Аслида Фаластин маъмурияти Ғазо секторини ҳеч қачон тарк этмаган”, — деди дипломат.
Жозеп Боррел Исроил Ғазо секторини бомбардимон қилишда уруш қоидаларини ҳисобга олиши кераклигини қўшимча қилди. Исроил бош вазири Биньямин Нетаньяху бир неча бор Ғазонинг Фаластин маъмурияти назоратига ўтказилишига қарши чиққан, бунга Ғарбий Соҳилдаги маъмурият раҳбари Маҳмуд Аббос ҳалигача “ҲАМАСни қораламагани” сабаб қилиб кўрсатилган.
Аббоснинг ўзи ноябрь ойи бошида АҚШ Давлат котиби Энтони Блинкен билан бўлиб ўтган учрашувда секторни бошқаришда ёрдам беришга тайёрлигини маълум қилганди.
Изоҳ (0)