Марказий банк 18 август ҳолатига кўра банклар кесимида аҳолига ажратилган микроқарз ва автокредитлар бўйича ўртача фоиз ставкаларини эълон қилди.

Унга кўра, микроқарз ўртача фоиз ставкаси бир ҳафта давомида бир оз (0,2 фоизга) пасайиб, 36,1 фоизни ташкил қилди. Банклар кесимида энг юқори микроқарз ставкаси TBC Bank’да бўлиб, у 42,4 фоизни ташкил этди. Энг паст ставка Алоқабанкда кузатилиб, 21,8 фоизни ташкил этди.

Автомобиль хариди учун ажратилаётган кредитлар бўйича эса ўртача йиллик фоиз ставкаси ошиб, 23,8 фоизни ташкил этди. Шундан жисмоний шахсларга ажратилаётган кредитларнинг (микроқарзлардан ташқари) ўртача фоиз ставкаси 24,2 фоизни, юридик шахслар улуши эса 22,2 фоизни кўрсатмоқда. 11 августда автокредитларнинг ўртача фоиз ставкаси 23,7 фоизни ташкил этганди.
Энг мақбул ставкани “Ипотека банк” (21,3 фоиз) таклиф этмоқда, энг юқори ставка эса Инфинбанкъга тегишли (28 фоиз).

Автомобиль ишлаб чиқарувчи ва етказиб берувчилар тижорат банклари билан келишув асосида қулай шартлардаги (масалан автомобиль нархининг бошланғич бадал суммасидан келиб чиқиб) паст фоизли автокредитлар таклиф этишлари мумкинлиги ва банкларда кредит ажратиш шартларининг тез-тез ўзгариб туриши сабабли, юқорида қайд этилган ўртача фоиз ставкалари ва амалдаги ўртача фоиз ставкалари ўртасида фарқ юзага келиши мумкин.
Марказий банк 2025 йилнинг 2 июлидан бошлаб, ҳар ҳафта банклардаги микроқарз ва автокредитларнинг ўртача фоиз ставкаларини эълон қилиб келмоқда.
Изоҳ (0)