Тергов изолятирида сақланаётган Игор Стрелков (Гиркин) ўз шерикларини Россияда келаси йили бўлиб ўтадиган президентлик сайловига номзодини кўрсатиш кампаниясини бошлашга чақирди. Бу ҳақда Билд хабар берди.
Стрелковнинг Telegram-каналида “Мен сайловга бораман” ёзувли пости пайдо бўлди.
“Мен ҳеч қачон ҳозирги ҳукумат томонидан ташкил этилган симулякрда (аслида мавжуд бўлмаган нарсанинг нусхаси) қатнашмаганман ва менинг позициямни ҳамма яхши билади. Аммо ҳозир махсус ҳарбий операция деб аталувчи қийин жараён кечмоқда ва фирибгарлар номзодликка уриниш ҳақиқатидан қўрқади. Менинг номзодим уларнинг ҳозирги ҳукумат томонидан тайёрланган "йигитлар" билан сохта сайловлар ўтказиш режаларини бузиши мумкин”, — деди у.
Игор Стрелков тергов изоляторидан ёзган мактубида унинг номзоди учун имзо тўплайдиган ташаббус гуруҳини тузишни сўраган. У “Россиянинг барча ватанпарвар кучларини, жамоат ва сиёсий ташкилотларини” уни қўллаб-қувватлашга чақириб, бу “ташқи ва ички таҳдидларга қарши бирлашиш имконияти” эканини таъкидлаган.
- 2023 йилнинг июль ойидан бери Стрелков ўзининг Telegram каналидаги постлари туфайли экстремизмга даъват қилишда айбланиб, изоляторда сақланмоқда. Агар суд уни қамоқ жазосига ҳукм қилса, Россия қонунчилигига кўра, у сайловда қатнаша олмайди.
- Стрелков аввалроқ халқаро Гаага суди томонидан 2014 йилда 298 кишининг ўлимига сабаб бўлган Маласиа Airлинес MH17 рейсига уюштирилган ҳужумда иштирок этгани учун сиртдан умрбод қамоқ жазосига ҳукм қилинган эди.
Игор Стрелков 2014 йилда ўзини ўзи мустақил деб эълон қилган Донецк халқ республикаси (ДХР) қўшинларига раҳбарлик қилган.
Изоҳ (0)