АҚШнинг Техас штати губернатори Грег Эбботт Х ижтимоий тармоғида (собиқ Twitter) Мексика билан чегарада деворнинг янги қисми қурилиши акс этган видеони эълон қилди.
AFP хабарига кўра, бугун, 19 ноябрь куни АҚШнинг собиқ президенти Дональд Трамп иммиграция сиёсати бўйича сайлов кампанияси доирасида Техасда Эбботт билан учрашмоқчи.
“Техас Америкада ўз чегарасида девор қурган биринчи ва ягона штатдир”, — деди Грег Абботт. Унинг сўзларига кўра, АҚШнинг амалдаги президенти Жо Байден чегарани қўриқлашни бошламагунча Техас давлат ва миллатни ҳимоя қилиш чораларини кўришда давом этади.
2016 йилда Мексика-Америка девори қурилиши Дональд Трампнинг сайловолди дастурининг асосий нуқталаридан бирига айланганди.
2023 йил октябрь ойида АҚШ Ички хавфсизлик департаменти ноқонуний мигрантларнинг мамлакатга кириб келишининг олдини олиш учун деворни узайтиришини маълум қилди. Маълумотларига кўра, жорий йилда 245 мингдан ортиқ ноқонуний мигрантлар Мексика билан чегара орқали АҚШга киришга уринган.
Изоҳ (0)