Москвада қўлга олинган Игор Стрелков (Гиркин) Россия ҳукумати ва ҳарбий қўмондонлигини Украинага қарши муваффақиятли уруш олиб бормаётгани учун мунтазам равишда танқид қилиб келган.
.jpg)
Сўнгги кунларда у ўзининг Telegram каналида Россия президенти Владимир Путин ва Алина Кабаева ҳақида кескин баёнотлар берган. Ҳозирда у экстремизмда айбланмоқда. Стрелковнинг охирги баёнотлари қуйидагилардан иборат.
18 июль куни у шундай деб ёзган эди: “Адашмаяпманми ёки 15 йил давомида ҳеч қачон: президент буюрди, президент жазолади, президент масъулиятни ўз зиммасига олди, деган баёнотларни эшитмадимми? Нолиш, шериклар ҳақида шикоятлар, ‘барча ёмонликка қарши яхшиликка’ чақириқлар қанча хоҳласангиз, шунча бор. Аммо узоқ вақт давомида президентнинг риторикаси анъанавий ‘эркак стандарти’га — ‘айтгандай кўринишдан кўра бўлишга’ ўхшамайди.
23 йил давомида мамлакат бошида аҳолининг салмоқли қисмининг кўзига чанг сепишга муваффақ бўлган шахс турди. Мамлакат бунга яна олти йил чидамайди”, — деган у.
19 июль куни Гиркин Путиннинг Жанубий Африка Республикасидаги БРИКС саммитига боришдан бош тортганига изоҳ берди. “Эҳтимол, баъзи иштирокчилар йиғилиш олдидан 2 ҳафталик қаттиқ карантиндан ўтишдан бош тортгандир”, — деб ёзган у.
Шунингдек, Гиркин Украина иттифоқчилардан тобора кучлироқ қурол тизимларини олишидан шикоят қилган.
“Аста-секин ва унчалик катта бўлмаган миқдор — уруш имкон қадар узоқ давом этиши, ички муаммолар туфайли Россиянинг қулаши билан якунланиши учун етарли. Янги ҳужумлар, терактлар, қўпорувчилик ҳаракатлари бўлади. Уларнинг сони тобора кўпайиб боради. Мамлакатимиз катта. Муаммар Каддафий йўли бўйлаб ъжабрланувчига етиб олишъ учун финалга қадар кўп вақт талаб этилади”, — деган Гиркин.
Март ойида Гиркин Россия президентидан “жим бўлишни” сўраган.
“Владимир Владимирович, жим бўл. Овозингни ўчир, яхшиси жим бўл. Шунда мамлакатимизда сендай президент борлигидан уялмаймиз ва душман масхара қилмайди”, — деган у ўзининг видеомурожаатларидан бирида.
Гиркиннинг ҳибсга олиниши
Москвада 2014 йилда ўзини ўзи мустақил деб эълон қилган Донецк халқ республикаси (ДХР) қўшинларига раҳбарлик қилган Игор Стрелков (ҳақиқий исми Гиркин) ҳибсга олинди. У экстремизимда айбланмоқда. Ҳозирда Гиркиннинг уйи тинтув қилинмоқда, у қаерда экани маълум эмас.
Стрелков Гаага туман суди томонидан сиртдан умрбод қамоқ жазосига ҳукм қилинган. У 2014 йил августида Малайзиянинг Boeing ҳалокатида айбдор деб топилганди. Стрелков суд мажлисларида қатнашмаган ва ўз айбини қатъиян рад этган.
Изоҳ (0)