Экстремизмга оммавий чақириқларда айбланган, ўзини ўзи мустақил деб эълон қилган Донецк халқ республикаси (ДХР) собиқ мудофаа вазири Игор Стрелков (Гиркин) рафиқаси Мирослава Регинская Россия президентига хат ёзди.
У хатида эрининг ҳибсга олинишини асоссиз, унга қўйилган айбловларни эса бемаънилик деб атади. Унинг сўзларига кўра, Стрелков “ҳақиқий ватанпарвар”, 2014 йилда Донбассдаги воқеалар “қаҳрамони” ва урушга борган биринчи россиялик кўнгиллилардан бири ҳисобланади.
Регинская конституциянинг кафолати сифатида Путиндан Стрелковга адолатли ва қонуний муносабатда бўлиш ҳуқуқини таъминлашни сўраган.
“Уни ҳибсга олиш нафақат ноқонуний ва асоссиз, балки Россия ва унинг фуқаролари манфаатларига аниқ зиддир... Сиздан конституция кафолати сифатидаги вазифангизни бажаришингизни ва россиялик зобит, жамиятнинг муносиб аъзоси бўлган турмуш ўртоғимга тергов ва суд жараёнида адолатли ва қонуний муносабатда бўлиш ҳуқуқини таъминлашингизни сўрайман”, — дейилади мурожаатда.
Унинг сўзларига кўра, эрининг Украинадаги урушнинг кечиши бўйича ёзган материаллари оддий фронт аскарлари манбаи бўлган.
Стрелковнинг рафиқаси эрининг позицияси Россия ва рус халқининг “душманларига нисбатан муросасизлиги” ва ҳозирги конституциявий тузумга тўлиқ мос келишини айтди.
“Унинг ҳибсга олинишидан кўзланган бошқа мақсад борлиги аниқ. Ё кимдир ‘илтифот’ қилмоқчи бўлди, ёки кимнидир фронтнинг олдинги чизиғидаги ҳақиқат безовта қила бошлади. Унинг ҳибсга олинишидан мақсад ўрта ва олий қўмондонликни фронт чизиғидан мустақил ва холис маълумотсиз қолдиришдир.
Аслида, бу ҳаракатлар Украинадаги уруш пайтида Россия суверенитетини қаҳрамонларча ҳимоя қилиб, бизнинг қўшинларимизга зарар етказишга қаратилган”, — деди у.
Гиркиннинг ҳибсга олиниши
Москвада 2014 йилда ўзини ўзи мустақил деб эълон қилган Донецк халқ республикаси (ДХР) қўшинларига раҳбарлик қилган Игор Стрелков (ҳақиқий исми Гиркин) ҳибсга олинди. У экстремизимда айбланмоқда. Ҳозирда Гиркиннинг қаерда экани маълум эмас.
Стрелков Гаага туман суди томонидан сиртдан умрбод қамоқ жазосига ҳукм қилинган. У 2014 йил августида Малайзиянинг Boeing ҳалокатида айбдор деб топилганди. Стрелков суд мажлисларида қатнашмаган ва ўз айбини қатъиян рад этган.
Изоҳ (0)