Туркманистонда 8 март Халқаро хотин-қизлар байрами муносабати билан қиз ва аёлларга президент Сердар Бердимуҳамедов номидан пул совғалари топширилмоқда. Бу ҳақда “Туркманистон: Олтин аср” нашри хабар берди.
Боғча тарбияланувчиларига биринчилардан бўлиб президентнинг пул совғалари топширилган. Сердар Бердимуҳамедов фармонига кўра, пул совғалари 1 мартдан 6 мартгача тантанали руҳда топширилиши белгиланган. Мулкчилик шаклидан қатъи назар корхона, муассаса ва ташкилотларда ишловчи, пенсия ва давлат нафақалари олувчи, аспирантура, докторантура ва клиник ординатурада ишдан ташқари таҳсил олаётган аёллар ва қизларга 60 манат миқдорида (17 доллар) совғалар берилади.
Талабалар, ўқувчи қизлар ва мактабгача таълим муассасалари тарбияланувчилар ҳам совға олади. Аввалроқ Туркманистон президенти Сердар Бердимуҳамедов 9 май куни фахрийлар, ҳарбий хизматчилар оиласига қимматбаҳо совғалар ва 200 манатдан (қора бозор курсида 10 доллар) беришни топширганди. 2021 йилда ҳам фахрийлар шунча миқдорда мукофотланган.
Изоҳ (0)