Туркманистон 2023 йил учун Аёллар Тинчлик ва хавфсизлик индекси (WPS Index) ҳисоботида 177 ўрин ичида 58-ўринни эгаллади. Бу Марказий Осиё давлатлари орасида энг яхши натижадир. Минтақада кейинги ўринларда Қозоғистон — 70, Тожикистон — 90, Ўзбекистон — 94, Қирғизистон — 95 турибди.
Дунё бўйича энг яхши кўрсаткичлар Дания, Швейцария ва Швецияда (мос равишда биринчи, иккинчи ва учинчи ўринлар), энг ёмони Афғонистон (177-ўрин), Яман (176) ва Марказий Африка Республикасида (175) қайд этилган.
Рейтингда АҚШ — 37, Жанубий Корея — 30 (Шимолий Корея рўйхатда йўқ), Россия – 56, Хитой – 82, Туркия – 99, Эрон – 140-ўринни эгаллади.
WPS индексини тайёрлашда унинг муаллифлари учта тоифага тақсимланган 13 кўрсаткич бўйича мамлакатлардаги вазиятни ҳисобга олади:
- инклюзивлик (таълим, молиявий инклюзивлик, бандлик, мобил телефондан фойдаланиш, парламентдаги аёллар улуши);
- адолат (ҳуқуқий дискриминациянинг йўқлиги, адолатга эришиш, оналар ўлими кўрсаткичи, тарафкашлик);
- хавфсизлик (зўравонлик даражаси, аёлларнинг жамиятдаги хавфсизлигини идрок этиши, аёлларга нисбатан сиёсий зўравонлик, қуролли тўқнашувларга яқинлик даражаси).
Ҳисобот учун маълумотлар БМТ агентликлари, Жаҳон банки, Галлуп глобал сўровлари ва бошқа манбалардан тўпланган.