Жанубий Корея Олий суди мамлакатнинг амалдаги президенти Юн Сок Ёлнинг қайнонасига берилган бир йиллик қамоқ жазоси ҳақида ҳукмни ўзгаришсиз қолдирди. Рёнҳап агентлигининг ёзишича, аёл банк ҳисоб рақамидаги маблағлар ҳолатларни аниқлашда сохта ҳужжатлардан фойдаланган.
“Қуйи инстанция судининг қарорида қалбаки шахсий ҳужжатлардан ва кўчмас мулк билан боғлиқ битимларда сохта исмлардан фойдаланиш тўғрисидаги қонун ҳужжатларини бузишга оид жиноят аломатларини аниқлашда унга таъсир кўрсатиши мумкин бўлган қонунчилик ва бошқа ҳуқуқий тамойиллари тўғри инобатга олинган”, — дейилади Олий суд қарорида.
Чхве Ин Сун Жанубий Кореянинг амалдаги президенти Ким Гон Хининг онаси ҳисобланади. Чхве Ин Сунга қарши даъво 2020 йилнинг март ойида 2013 йилда ер сотиб олишда қонунбузарлик содир этгани учун киритилган. 2021 йил декабрь ойида Сеул шимолидаги Уйжеонгбу туман суди Чхвени айбдор деб топиб, шартли равишда 1 йилга озодликдан маҳрум қилган.
Кўчмас мулк жиноятчининг Ан фамилияли куёви номига расмийлаштирилган бўлган. Аммо апелляция суди уни бир йилга ҳақиқий қамоқ жазосига ҳукм қилди ва шу йилнинг июль ойида ҳибсга олиш ҳақида қарор чиқарди.
Шундан сўнг, Чхве ҳукмдан норози бўлиб, Олий судга мурожаат қилган эди. Олий суд эса қуйи суднинг Чхвега нисбатан ҳукмида ҳуқуқий тамойилларни нотўғри тушуниш йўқлигини маълум қилди.
Изоҳ (0)