Тожикистон президенти Эмомали Раҳмон 21 ва 22 ноябрь кунлари расмий ташриф билан Москвада бўлади. Бу ҳақда президент матбуот котиби Абдуфаттоҳ Шарифзодага таяниб, Asia-Plus хабар берди.
Раҳмоннинг сўзларига кўра, ташриф доирасида Россия президенти Владимир Путин билан яккама-якка, шунингдек, икки давлат делегацияларининг кенгайтирилган таркибдаги учрашуви ўтказади. Музокаралар якунлари бўйича ҳужжатлар тўпламини имзолаш режалаштирилган.
Қандай ҳужжатлар имзоланиши ҳақида маълумот берилмаган. Тожикистон президенти Москвадан сўнг Минскка боради ва 23 ноябрь куни бўлиб ўтадиган Коллектив хавфсизлик шартномаси ташкилоти (КХШТ) саммитида иштирок этади.
Ташкилотга аъзо давлат раҳбарлари иштирокида бўлиб ўтадиган саммитда халқаро ва минтақавий хавфсизликнинг долзарб муаммолари муҳокама қилиниши кутилмоқда. Президентлар, шунингдек, коллектив хавфсизлик манфаатларини таъминлашга қаратилган қатор ҳужжатларни қабул қилади.
Яқинда Эмомали Раҳмон ва Владимир Путин Бишкекда МДҲга аъзо давлатлар Давлат раҳбарлари кенгаши йиғилиши доирасида учрашиб, стратегик шериклик ва уни янада ривожлантириш масалаларини муҳокама қилганди.
Изоҳ (1)
нимани хал кбераркин бу а