Tojikiston prezidenti Emomali Rahmon 21 va 22-noyabr kunlari rasmiy tashrif bilan Moskvada bo‘ladi. Bu haqda prezident matbuot kotibi Abdufattoh Sharifzodaga tayanib, Asia-Plus xabar berdi.
Rahmonning so‘zlariga ko‘ra, tashrif doirasida Rossiya prezidenti Vladimir Putin bilan yakkama-yakka, shuningdek, ikki davlat delegatsiyalarining kengaytirilgan tarkibdagi uchrashuvi o‘tkazadi. Muzokaralar yakunlari bo‘yicha hujjatlar to‘plamini imzolash rejalashtirilgan.
Qanday hujjatlar imzolanishi haqida ma’lumot berilmagan. Tojikiston prezidenti Moskvadan so‘ng Minskka boradi va 23-noyabr kuni bo‘lib o‘tadigan Kollektiv xavfsizlik shartnomasi tashkiloti (KXShT) sammitida ishtirok etadi.
Tashkilotga aʼzo davlat rahbarlari ishtirokida bo‘lib o‘tadigan sammitda xalqaro va mintaqaviy xavfsizlikning dolzarb muammolari muhokama qilinishi kutilmoqda. Prezidentlar, shuningdek, kollektiv xavfsizlik manfaatlarini ta’minlashga qaratilgan qator hujjatlarni qabul qiladi.
Yaqinda Emomali Rahmon va Vladimir Putin Bishkekda MDHga aʼzo davlatlar Davlat rahbarlari kengashi yig‘ilishi doirasida uchrashib, strategik sheriklik va uni yanada rivojlantirish masalalarini muhokama qilgandi.
Izoh (1)
нимани хал кбераркин бу а