ҲАМАС Исроилнинг Ғазо шаҳридаги Ал-Шифо касалхонасига бостириб киришини “ҳарбий ва инсониятга қарши жиноят” деб атади. Бу ҳақда BBC хабар берди.
Исроил ҳарбийлари Ғазо секторидаги Ал-Шифо касалхонасида ҲАМАС жангчиларига қарши операция бошлаганини маълум қилди. ҲАМАС касалхонада фақат тинч аҳоли борлигини таъкидлади, жумладан, рейд тунда ўтказилган пайтда шифохонада 9 мингга яқин одам – беморлар, тиббиёт ходимлари ва кўчирилганлар бўлган.
ҲАМАС етакчиларидан бири Исроил ҳарбий нишонга эмас, балки тинч аҳоли нишонига ҳужум қилганини айтмоқда. Фаластин гуруҳи рейдда Вашингтон ва АҚШ президенти Жо Байденни айблаган. Исроил ҳам, АҚШ ҳам ҲАМАСнинг Ал-Шифо касалхонаси қошида қўмондонлик пункти борлигини даъво қилмоқда, ҲАМАС бу даъволарни рад этади.
Исроил армияси операция оддий фуқароларга “зарар етказмаслик учун” шифокорлар гуруҳлари ва араб тилини биладиган одамлар иштирокида “мақсадли” амалга оширилаётгани айтган.
ЖССТ Ал-Шифо касалхонасидаги беморлар ва ходимлардан “жуда хавотирда”
“Ал-Шифо касалхонасига ҳарбий босқин содир этилгани ҳақидаги хабарлар жуда ташвишлидир. Биз яна шифохона тиббиёт ходимлари билан алоқани уздик. Уларнинг хавфсизлиги ва беморларнинг хавфсизлиги учун жуда хавотирдамиз”, — деди ЖССТ бош директори Тедрос Адҳаном Гебреесус
Изоҳ (0)