Исроил ва ҲАМАС ҳаракати жанговар ҳаракатларни бир неча кун тўхтатиб туриш эвазига гаровга олинганларни озод қилиш бўйича келишувга яқинлашмоқда. Бу ҳақда CNN телеканали АҚШдаги амалдорлардан бирига таяниб хабар берди.
“Исроил ва ҲАМАС гаровга олинганларни озод этиш бўйича келишувга эришишга яқинлашмоқда, бунинг эвазига жанговар ҳаракатлар узоқ муддат тўхтатиб турилади”, — дейилади телеканал хабарида.
CNN манбасининг қайд этишича, томонлар битимга эришиш учун тобора яқинлашмоқда, аммо музокаралар беқарорлигича қолмоқда ва у амалга ошмаслиги мумкин.
АҚШ президенти Жо Байден 14 ноябрь куни Ғазода сақланаётган маҳбусларни озод қилиш бўйича келишувга эришиш мумкинлигига ишонишини айтганди. “Мен буни содир бўлишига ишонаман, лекин тафсилотларга тўхталмоқчи эмасман”, — деган у.
Аввалроқ Фаластин президенти Маҳмуд Аббос АҚШ давлат котиби Энтони Блинкенга Иордан денгизининг ғарбий соҳили ва Шарқий Қуддусдаги вазиятни тартибга солувчи кенг қамровли сиёсий ечим доирасида Ғазо сектори Фаластин давлати назоратига ўтиши мумкинлигини маълум қилганди.
Изоҳ (0)