Фаластиннинг ҲАМАС ҳаракати билан уруш туфайли Исроил университетларида ўқиш 24 декабрдан эрта бошланмайди. Бу ҳақда “Едиот Аҳронот” газетаси хабар берди.
Талабалар семестрнинг бошланишидан икки ҳафта олдин огоҳлантирилади. Университет ходимлари ва талабаларнинг ўзлари ёки уларнинг турмуш ўртоқлари ҳарбий захирада бўлгани, баъзилари эса можаро ҳудудида истиқомат қилаётгани ва ўз уйини тарк этишга мажбурлиги сабабли ўқув йили қолдирилмоқда.
Шунингдек, талабалар орасида қуролли тўқнашувда яқинларини йўқотганлар, яқинлари ярадор бўлган ёки ҲАМАС томонидан асирга олинганлар ҳам бор.
Нашрнинг қайд этишича, ўқув йили бошланишининг бу сурилиши 7 октябрда қуролли можаро бошланганидан бери учинчи марта рўй бермоқда.
24 декабрда ўқиш Тель-Авив, Бар-Илан, Бен-Гурион, Technion, шунингдек, Хайфа ва Ariel университетларида бошланиши керак.
Агар уруш бўлмаганида Исроил университетларида кузги семестр 15 октябрда бошланиши керак эди.
Изоҳ (0)