Дональд Трамп: “Байден омма олдида нутқ қилишидан олдин унга кокаин беришади”

АҚШ президенти Жо Байден оммавий чиқишлар олдидан кокаин истеъмол қилади, деди АҚШнинг собиқ президенти Дональд Трамп.

Унинг таъкидлашича, Байден нутқининг боши ва охиридаги услуби шундан далолат беради, деб ёзади Newsweek.

“Биласизми, сиз нутқининг бошида Жога қарасангиз, бир оз жонли эканини кўрасиз. Кўп эмас, лекин унинг ҳаракатларида тетиклик бор бўлади. Нутқнинг охирига келиб, у жонсиз бўлиб қолади. Байден ҳатто саҳнадан ҳам йўл топа олмай қолади. Демак, у ерда нимадир бўлмоқда”, — деди Трамп.

Аввалроқ Трамп Оқ уйда топилган кокаин Жо Байден ва унинг ўғли Хантер учун мўлжалланганига ишонч билдирган эди.

Сиёсатчи, шунингдек, расмийларни гиёҳванд моддалар қаердан келганини кўрсатадиган кузатув камераси тасвирларини эълон қилишга чақирди.