Исроил бош вазири Биньямин Нетаньяху Ғазо секторининг келажакдаги бошқаруви ҳақида гапирди. Бу ҳақда Ynet нашри хабар берди.
Нетаньяхуга кўра, Фаластиннинг ҲАМАС ҳаракати “йўқ қилинганидан сўнг” Исроил Ғазо секторида хавфсизлик назоратини ташкил қилади.
“ҲАМАС йўқ қилинганидан сўнг Ғазодан ҳеч қандай таҳдид бўлмаслигини таъминлаш учун Ғазо секторида Исроил хавфсизлик назорати, жумладан, тўлиқ демилитаризация ўрнатилади”, — деди у.
Шунингдек, Исроил бош вазири Ғазо ташқи кучлар назоратига берилмаслигини қўшимча қилди.
“Урушдан кейин ҳам Исроил Ғазони бошқаришда давом этади. Биз ҳеч қандай халқаро ташкилотга ишонмаймиз”, — деди у.
Маълумот учун, Исроилнинг 7 октябрдан буён Ғазога берган зарбалари оқибатида ҳалок бўлганлар сони 11 078 кишига етди, 27 490 киши жароҳат олди. Ҳалок бўлганларнинг 4 506 нафари болалардир.
Изоҳ (0)