Исроил мудофаа армияси матбуот котиби Даниэль Хагари ҲАМАС Ғазо секторининг шимолий қисмида назоратини йўқотганини маълум қилди. Унинг сўзларига кўра, 8 ноябрь куни анклавнинг 50 мингга яқин аҳолиси гуманитар коридор орқали жанубга эвакуация қилинган.
“Биз Ғазо шаҳрида ҳужумни ва фуқаролик объектларига туташган шахта туннелларини блоклашни давом этмоқдамиз. Бугун Ғазонинг 50 минг аҳолиси жанубга йўлга олганига гувоҳ бўлдим, улар ҲАМАС назоратни қўлдан бой берганини тушунмоқда”, — дейди Хагари.
Исроил мудофаа армияси вакилининг сўзларига кўра, ўт очишни тўхтатиш режаси мавжуд эмас, бироқ аҳоли эвакуация қилиниши учун ҳарбийлар “гуманитар танаффусларни” жорий этмоқда. Олдинроқ Исроил мудофаа вазири Ёав Галлант ҲАМАС етакчиси Яхё Синвор ўзининг бункерида қуршовга олингани тўғрисида хабар берилганди.
Аввалроқ The New York Times газетаси Жо Байден маъмурияти Украина ва Исроилга таъсир ўтказиш бўйича уринишларида қийинчиликларга дуч келаётгани ҳақида ёзганди. Байден маъмурияти Исроил бош вазири Биньямин Нетаньяхуни Ғазони бомбардимон қилишда “гуманитар пауза” қилишга кўндирмоқчи. Оқ уй Американинг Исроилга ёрдами Нетаняху Вашингтон маслаҳатига қулоқ тутишига кафолат бўлишига умид қилган. Бироқ бу содир бўлмади.
Изоҳ (0)