Шавкат Мирзиёев таклифига биноан Италия президенти Сержо Маттарелла қизи Лаура Маттарелла ҳамроҳлигида 9 ноябрь куни расмий ташриф билан Ўзбекистонга келганди. 10 ноябрь куни улар Ўзбекистон бош вазири Абдулла Арипов ҳамроҳлигида “Янги Ўзбекистон” боғига ташриф буюриб, Мустақиллик монументи пойига гул қўйди.
Олий мартабали меҳмонлар мажмуа меъморий ечимлари ҳамда композициясининг мазмун-моҳияти ва хусусиятлари билан батафсил танишди.
.jpg)
Бош вазир матбуот котибининг ёзишича, Ўзбекистоннинг қадимги тарихидан бошлаб то бугунги кунга қадар, 3 минг йиллик давр ичида юз берган энг муҳим воқеаларни ўзида мужассам этган ушбу мажмуа Италия делегацияси аъзоларида катта таассурот қолдирди.
Ўзбекистонга ташриф буюраётган меҳмонларнинг Шавкат Мирзиёев ташаббуси билан бунёд этилган мазкур мажмуа билан танишуви анъанага айланган.
Изоҳ (0)