Тошкент шаҳрида бир қатор автобуслар ҳаракат йўналишига 2023 йил 10 ноябрь кунидан бошлаб ўзгартириш киритилди, деб хабар беради “Тошшаҳартрансхизмат” матбуот хизмати.
Булар:
12-сонли “Food City савдо маркази — Бошлиқ мавзеси” автобус йўналишининг ҳаракати Food City савдо маркази бекатидан Қўйлиқ деҳқон бозори бекатигача қисқартирилган ва йўналиш номи 12-сонли “Қўйлиқ деҳқон бозори — Бошлиқ мавзеси” автобус йўналиши деб номланди.
26-сонли “Мажнунтол маҳалласи — Олой бозори” ва 54-сонли “Қўйлиқ 1-мавзеси — Дўстлик метроси” автобус йўналишларининг ҳамда 30-сонли “Олмос маҳалласи — Тошкент МУМ” автобус йўналишининг ҳаракати Оҳангарон шоҳкўчаси ва Шоҳимардон кўчаси кесишмасида ташкил этилган янги чорраҳа орқали ўзгартирилди.
133-сонли “Қипчоқ АШБ — Food City савдо маркази” автобус йўналишининг Food City савдо марказидан қайтиш ҳаракати Гулзор маҳалласига кирмаган ҳолда 4П21, Жалоир маҳалласи, 4П21 йўли орқали кейинги ҳаракати ўз йўналиши бўйича ўзгартирилди.
73-сонли “Чорсу метроси — Чинни бозори” йўналишининг Чорсу метросидан бориш ҳаракати Саккокий ва ТҲАЙ кўчалари чорраҳасидан кейинги биринчи бурилиб олиш манзили орқали кейинги ҳаракати ўз йўналиши бўйича ўзгартирди.
150-сонли “Чилонзор 25-даҳаси — Пахтакор метроси” автобус йўналишининг ҳаракати Фурқат кўчасидан Себзор, А.Қодирий, Себзор, КҲАЙ, Лабзак кўчалари орқали Малика фабрикаси бекатигача узайтирилди ҳамда қайтиш йўналиши Лабзак, Нурафшон, Себзор, А.Қодирий, Себзор кўчалари орқали ўз йўналиши бўйлаб ташкил қилиниб, йўналиш номи 150-сонли “Чилонзор 25-даҳаси — Малика фабрикаси” автобус йўналиши деб номланди.
Сентябрь бошида “Тошшаҳартрансхизмат” йўловчилардан келиб тушган мурожаатлар асосида қўшимча 7 та янги автобус йўналишлари ташкил этилганини эълон қилганди. Шунингдек, пойтахтда 12 сентябрда тўртта автобус йўналиши қисқартирилган эди.
Изоҳ (0)