Жорий йилнинг июнь ойида тўртинчи бор ота бўлган 83 ёшли Ал Пачино сентябрь ойига келиб 29 ёшли рафиқаси Нур Алфалла билан ажрашишга қарор қилган эди. Собиқ жуфтлик яқиндагина алимент масаласида шартнома тузишган.
Унга кўра, Ал Пачино кенжа фарзандига 110 000 доллар миқдорида аванс ва ҳар ой 30 000 доллардан алимент тўлайди. Бундан ташқари, ҳар йили таълим фонди учун 15 000 доллар ажратади ва йил сўнгида даромад кўрсаткичидан қатъий назар қўшимча 90 000 доллар беради. Бола учун васийликни Нур Алфалла олади, актёр эса фарзанди билан учрашиб туриш имкониятига эга бўлади.
Нур Алфалланинг фарзанд кутаётгани ҳақидаги хабар нафақат мухлислар, балки актёрнинг ўзи учун ҳам кутилмаган янгилик бўлган эди. Ғарб нашрларига кўра, саломатлигидаги муаммолар туфайли 83 ёшда ота бўла олишига ўзи ҳам ишонмаган актёр Алфалладан ДНК текшируви ўтказилишини талаб қилган. Текширув натижасида боланинг отаси Ал Пачино экани тасдиқланган.
Голливуд актёрининг Нур Алфалла дунёга келтирган ўғлидан ташқари яна 3 нафар фарзанди бор. Ижодкорнинг тўнғич қизи Жулия Мария айни вақтда 33, эгизаклари Антон Жеймс Пачино ва Оливия Роуз Пачинолар 22 ёшда.
Изоҳ (0)