«Овчилар» сериалидаги роли учун «Драматик телесериалдаги энг яхши эркак роли» йўналишида «Олтин глобус» мукофотига номзодлик қилган Аль Пачино онлайн тақдирлаш маросимида ухлаб қолди, деб ёзади Esquire.
80 ёшли Аль Пачино беш маротаба «Олтин глобус» мукофотини қўлга киритган ва 13 маротаба унга даъвогарлик қилган. Шунингдек, у «Оскар», «Олтин шер», «Эмми» (иккита) ва бошқа қатор мукофотларга ҳам лойиқ кўрилган. Бир сўз билан айтганда, тақдирлаш маросими актёр учун одатий ҳолга айланган.
Маросим Zoom орқали ўтказилгани сабаб Аль Пачино ўзини эркин тутган ва мизғий бошлаган кўринади. Бироқ у керакли вақтда уйғонган, аммо актёр ухлашни давом эттирса ҳам бўлаверар эди — мукофот унга эмас, балки «Салтанат» сериалидаги Жош O’Коннорга насиб этган.
https://twitter.com/slytherinus/status/1366216597212459011
Twitter фойдаланувчилари бу борада ҳазил қилишга ҳам улгурган: «Пандемиянинг иккинчи йили бўлгани сабаб барчамиз — Аль Пачиномиз».
Аввалроқ Los Angeles Times’да «Олтин глобус» мукофотини топширувчи Голливуд хорижий матбуот ассоциациясининг (HFPА) молиявий схемаларига оид мақола эълон қилинганди.We’re all Al Pacino in year two of zoom quarantine hell pic.twitter.com/T8YwZbu3CP
— @jason (@Jason) March 1, 2021
Изоҳ (0)