83 ёшли Ал Пачино ва Нур Алфалланинг ўғли туғилганига уч ойдан камроқ вақт ўтди. Маълум бўлишича, актёр фарзанди туғилганидан кўп ўтмай рафиқаси билан ажрашишга қарор қилган.
Оммавий ахборот воситаларининг хабар беришича, актёрнинг собиқ севгилиси аллақачон судга унга қарши алимент ва тўлиқ васийлик ҳужжатларини топширган. Шунингдек, Нур Алфалла актёрдан суд жараёни давомида адвокатга тўланадиган барча харажатларни тўлашни талаб қилмоқда.
Айтганча, Нур Алфалланинг ҳомиладорлиги ҳақидаги хабар нафақат жамоатчиликни, балки Голливуд актёрининг ўзини ҳам ҳайратда қолдирди. Маълумотларга кўра, Ал Пачино фарзанд кўра олмаслигига ишонган, шунинг учун у рафиқасининг сўзларига жиддий муносабатда бўлмаган.
Актёр соғлиғидаги муаммолар сабаб ота бўла олмаслигини билган. Ал Пачино рафиқасининг ҳомиладорлиги ҳақида хабар топгач, ундан ДНК тестини талаб қилган. Кейинчалик эса у ҳақиқатан ҳам туғилажак фарзанднинг отаси эканлиги маълум бўлди.
Эслатиб ўтамиз, Ал Пачинонинг бошқа рафиқаларидан уч нафар: 33 ёшли Жулия Мария, 22 ёшда бўлган Антон Жеймс Пачино ва Оливия Роуз Пачино исмли фарзандлари бор.
Изоҳ (0)