“Оскар” мукофоти совриндори Ал Пачино “Юлдузлар жанги” франшизасидаги ижро этилмаган роли ҳақида гапириб берди. Актёрга фильмдаги Хан Соло ролини таклиф қилишган, бироқ у фильмнинг сценарийси тушунарсиз бўлгани учун лойиҳада суратга тушишдан бош тортган.
“Мен Голливудга биринчи марта келганимда, қишлоқдан келган, кучли йигит эдим — машҳур бўлганингизда шундай бўлади. Ҳамма бу ролни Алга беринг деди. Бир куни улар менга “Юлдузлар жанги” номли сценарийни берди ва катта пул таклиф қилди. Сценарийни ўқиган бўлсам ҳам ҳеч нарсани тушунмадим. Харрисон Форд ўз карьераси учун мендан қарздор”, — дейди Пачино.
Актёр яқинда Приме Видео томонидан суратга олинган “Овчилар” фильмининг иккинчи ва охирги мавсумида иштирок этди. Айни пайтда актёр Уилям Шекспирнинг “Қирол Лир” номли асари асосида суратга олиниши кутилаётган фильмга ҳозирлик кўрмоқда, ушбу лойиҳа кейинг йили намойиш этилади.
Маълумот учун, Ал Пачино 1940 йилнинг 25 апрелида Нью-Йоркда туғилган. Ал Пачино кино оламидаги дебютини 1969 йилда “Мен, Натали” фильмидаги иккинчи даражали рол билан бошлаган. Муваффақиятли кино карьерасидан ташқари, Ал Пачино машҳур театр актёри ҳисобланади. У 1969 йил ва 1977 йилларда машҳур “Тони” театр мукофотлари билан тақдирланган. Актёр фаолияти давомида “Чўқинтирган ота”, “Америка фаришталари”, “Гуччи уйи”, “Иккинчи имконият” фильмлари ва кўплаб лойиҳаларда суратга тушган.
Изоҳ (0)