Абдулла Солиҳий исмли Афғонистон фуқароси мустақил равишда Россияникига ўхшаш ҳарбий вертолёт ясади. Бу ҳақда “Дарё”нинг Афғонистондаги мухбири хабар берди.
Қайд этилишича, 35 ёшли Абдулла Солиҳий уч йил ичида ушбу вертолётни ясашга муваффақ бўлган ва ҳозирда унинг 50 фоизи тайёр. Каписа вилоятида яшовчи эркакнинг айтишича, у мазкур вертолётни ясашни кўп йиллар давомида ўйлаб юрган ва уч йил ичида уни ҳозирги кўринишга келтирган.
Ошпазлик ва қурилиш билан шуғулланган Абдулла Солиҳийнинг сўзларига кўра, Россия ҳаво кемасига ўхшаш ушбу вертолётни тайёрлаш учун қарийб 5,5 минг доллар сарфлаган.
Солиҳий болалигидан вертолётга қизиққанини, Афғонистон қашшоқ давлат бўлса-да, бошқа мамлакатлар билан рақобатлашишни орзу қилганини айтиб ўтди.
Таъкидлаш керакки, яқинда Афғонистонда Қатардаги кўргазмага намойиш этилган спорт автомобили ишлаб чиқарилган эди.
Изоҳ (0)