Андижон вилояти ҳокимлиги матбуот хизмати вилоят ҳокими Шуҳрат Абдураҳмонов ишдан олингани айтилган хабарларга муносабат билдирди.
Ижтимоий тармоқларда Шуҳрат Абдураҳмонов бошқа лавозимга ўтиши муносабати билан амалдаги лавозимидан озод этилгани ҳақида хабарлар тарқалди.
“Ушбу хабарлар асосга эга эмаслигини маълум қиламиз. Бу борада ҳеч бир йиғилиш ёки расмий ҳужжатда сўз юритилгани йўқ”, — дейилади муносабатда.
Қайд этилишича, айни дақиқаларда вилоят раҳбари куз-қиш мавсумига тайёргарлик кўриш ва аҳоли муаммоларини ҳал этиш бўйича иш юритмоқда. Барча режалар кун тартиби бўйича давом этмоқда.
Эслатиб ўтамиз, апрель ойида Андижон вилояти ҳокимлиги вилоят ҳокими Шуҳрат Абдураҳмонов ҳақидаги хабарлар юзасидан расмий баёнот берганди. Ўшанда интернетда вилоят ҳокими акс этгани иддао қилинган видео тарқалиши ортидан, ижтимоий тармоқлардаги айрим саҳифаларда ҳокимнинг шаъни ва қадр-қимматини камситувчи ҳамда обрўсизлантирувчи ҳақоратомуз постлар эълон қилинганди.
Изоҳ (0)