Мудофаа вазирлиги “Ўзбекистон Республикаси президентининг айрим қарорларига ўзгартиришлар киритиш тўғрисида”ги президент қарори лойиҳасини муҳокамага қўйди.
Қайд этилишича, Қуролли Кучлар ҳарбий хизматчиларининг турар жойи бўйича ижтимоий муҳофазасини кучайтириш мақсадида президентининг айрим қарорларига иловага мувофиқ қуйидагиларни назарда тутувчи ўзгартиришлар киритилади:
- ҳарбий хизматчиларига турар жойни ижарага олганлик (ижарада турганлик) учун ҳар ойлик пул компенсацияси тўлаш миқдорини 50 фоизга ошириш;
- ҳарбий хизматчиларга ва ҳарбий хизматдан резервга (истеъфога) бўшатилган (чиқарилган) фуқароларга турар жой сотиб олиш (қуриш) учун ипотека кредити олинишида уларнинг календарь ҳисобдаги ҳарбий хизмат муддатига мувофиқ дастлабки бадал миқдорини ошириш.
Иқтисодиёт ва молия вазирлиги, Қуролли Кучлар таркибига кирадиган вазирлик ва идораларнинг сўровномасига асосан ҳарбий хизматчиларига турар жойни ижарага олганлик (ижарада турганлик) учун ҳар ойлик пул компенсациясининг оширилган тўловлари бўйича харажатларни амалга ошириш учун давлат бюджетидан зарур маблағлар ажрацин, 2024 йилдан бошлаб зарур маблағларнинг давлат бюджети параметрларида кўзда тутилишини таъминлайди.
Мудофаа вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритади.
Февраль ойида “Ўзбекистон Республикаси Қуролли Кучлари ҳарбий хизматчиларига ипотека кредити тақдим этиш орқали уй-жой билан таъминлаш тизимини такомиллаштириш бўйича қўшимча чора-тадбирлар тўғрисида”ги Вазирлар Маҳкамаси қарори қабул қилинганди. Унга кўра, ҳарбий хизматчиларга “ижара пули” ипотека уйлари топширилгунга қадар бериладиган бўлган эди.
Изоҳ (0)