Вазирлар Маҳкамасининг “Ўзбекистон Республикаси Қуролли Кучлари тизимида қонунийликни таъминлаш бўйича қўшимча чора-тадбирлар белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида”ги қарори қабул қилинди.
Киритилаётган ўзгартиришларга кўра эндиликда ҳарбий прокуратура ходимлари ҳам “Маънавий-маърифий ишлар аълочиси” кўкрак нишони билан тақдирланади.
Маълумот учун, ушбу кўкрак нишони билан Қуролли Кучлар тизимида маънавий-маърифий ишлар самарадорлигини оширишга муносиб ҳисса қўшган ҳарбий хизматчилар ва фуқаролар тақдирланади.
Шунингдек, ҳарбий прокуратура ходимларига турар жой сотиб олиш (қуриш) учун узоқ муддатли имтиёзли ипотека кредитлари тақдим этилади. Муқаддам бундай имтиёзлар Миллий гвардия, ИИВ, ФВВ ва ДХХнинг шартнома асосида хизмат қилаётган ҳарбий хизматчиларига тақдим этилган.
Ҳужжат Қонун ҳужжатлари маълумотлари миллий базасида эълон қилинган ва 2023 йил 16 августдан кучга кирган.
Шавкат Мирзиёев 13 апрель куни “2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида”ги фармонни имзолаганди. Унга кўра, профессионал таълим ташкилотларининг айрим ходимларига имтиёзли субсидиялар ажратилади.
Изоҳ (0)