Ижтимоий тармоқларда Қашқадарё вилоятидаги 10-сон жазони ижро этиш колониясида жазо ўтаётган Қ.Ш. “лезвия” ютиб, ўз жонига қасд қилгани ҳақида хабарлар тарқалган эди. Ҳолат юзасидан омбудсман ахборот хизмати “Дарё”га изоҳ берди.
Айтилишича, Қ.Ш.нинг акаси омбудсман ҳузуридаги Қийноқ ҳолатларини аниқлаш ва уларнинг олдини олиш бўйича жамоатчилик гуруҳлари аъзосининг қўл телефонига қўнғироқ қилиб, ёрдам сўраган.
“Ўрганишлар давомида олинган дастлабки маълумотга кўра, маҳкум Қ.Ш. 2023 йил 22 ва 26 сентябрь кунлари колония ходимларига ёт жисм ютиб юборганини айтган. У дарҳол тиббиёт бўлимига олиб борилиб, рентген текширувидан ўтказилганида қорин бўшлиғи ва ошқозон-ичак трактида ёт жисм аниқланмаган”, — дейилади омбдусман ахборотида.
Ҳолат юзасидан қонуний баҳо бериш учун Бош прокуратурага сўров хати киритилган.
Қашқадараё вилояти прокуратураси томонидан колония ходимларининг хатти-ҳаракатларига нисбатан хизмат текшируви ўтказилган. Унга кўра, ходимларнинг хатти-ҳаракатларида хизмат интизоми ва қонунчилик талаблари бузилмаган, деб топилган.
Мазкур ҳолатда жиноят аломатлари бўлмагани боис жиноят ишини қўзғатиш ҳақидаги қарор рад қилинган.
Изоҳ (0)