Туркманистонда айни пайтда умумий қиймати 10 миллиард доллардан ортиқ бўлган 200 га яқин лойиҳа қурилмоқда, деб хабар берди “Олтин Асир” маҳаллий телеканали. Бу ҳақда Туркманистон Халқ Маслахати раиси Гурбангули Бердимуҳамедов Берлинда Германия Шарқий иқтисодий қўмитаси вакиллари билан учрашувда маълум қилган.
“Саноат ва инновацион ўсиш йўлидаги стратегик йўналиш умумий инвестицияларнинг 60 фоиздан ортиғини ишлаб чиқариш соҳасига йўналтириш орқали таъминланади”, — дейилади хабарда.
Бердимуҳамедовнинг сўзларига кўра, иқтисодиётга йиллик сармоя ялпи ички маҳсулотнинг 18–19 фоизини, хорижий инвестициялар улуши эса 12 фоизни ташкил этади. 2023 йилнинг январидан августигача ЯИМ ўсиши 6,2 фоизни ташкил этди.
Европа тикланиш ва тараққиёт банки ва Осиё тараққиёт банки 2023 йилда Туркманистоннинг иқтисодий ўсиши 6,5 фоиз, Халқаро валюта жамғармаси 2,3 фоизни ташкил этишини кутмоқда.
Эзиз Бояров
Изоҳ (0)