Футбол бўйича Европа Чемпионлар Лигасининг гуруҳ босқичи 3-туридан ўрин олган қатор ўйинлар 25 октябрь, чоршанба куни бўлиб ўтди.
F гуруҳида “ПСЖ” “Милан”га қарши баҳс олиб борди. Учрашув парижликларнинг 3:0 ҳисобидаги ғалабаси билан якунланди. Париж клуби сафида Килиан Мбаппе, Коло Муани ва Ли Кан Ин ўз ҳисобига гол ёздириб қўйди.
Гуруҳнинг иккинчи ўйинида “Ньюкасл” ва “Боруссия Д” ўзаро кураш олиб борди. Учрашувнинг 45-дақиқасида Феликс Нмеча томонидан урилган гол дортмундликларга кичик ҳисобдаги ғалабани олиб келди.
“Манчестер Сити” “Янг Бойс” меҳмони бўлди. Биринчи бўлимда дарвозалар ишғол этилмади. Иккинчи бўлимнинг бошидаёқ “шаҳарликлар” ҳисобни очди. 48-дақиқада Мануэл Аканжи гол муаллифига айланди. Орадан 4 дақиқа ўтиб, Мешак Элиа ҳисобни тенглаштирди. 67-дақиқада Эрлинг Ҳоланд пенальтидан унумли фойдаланди ва “Манчестер Сити”ни яна ҳисобда олдинга олиб чиқди. 86-дақиқада эса Ҳоланд дублни расмийлаштириб, учрашувга якуний нуқтани қўйди.
Шунингдек, “Атлетико” “Селтик” билан 2:2 ҳисобида дуранг қайд этди, “Порту” “Ройал Антверпен” устидан 4:1 ҳисобида ғалаба қозонди.
ЕЧЛ
3-тур
25 октябрь, чоршанба
“ПСЖ” – “Милан” 3:0
Голлар: 1:0 – 32 Мбаппе, 2:0 – 53 Коло-Муани, 3:0 – 89 Ли Кан Ин.
“ПСЖ”: Доннарумма, Ҳакими, Маркиньос, Шкриньяр, Эрнандес, Угарте (Фабиан Руис, 71), Витиня, Заир-Эмери, Дембеле (Ли Кан Ин, 71), Мбаппе, Коло-Муани (Гонсалу Рамуш, 82).
“Милан”: Менян, Калулу, Томори, Тиав (Калабрия, 46), Эрнандес, Крунич (Адли, 77), Рейндерс, Муса (Побега, 77), Пулишич, Рафаэл Леау, Жиру.
Огоҳлантиришлар: Тиав (4), Крунич (7), Ҳакими (16), Дембеле (44), Томори (61), Калулу (62).
“Янг Бойс” – “Манчестер Сити” 1:3
Голлар: 0:1 – 48 Аканжи, 1:1 – 52 Элиа, 1:2 – 67 Ҳоланд (пенальти), 1:3 – 86 Ҳоланд.
“Янг Бойс”: Рачоппи, Блум (Жанко, 80), Бенито, Камара, Гарсия (Перссон, 80), Лаупер (Малес, 80), Угринич, Няссе, Элиа, Иттен (Нсаме, 73), Жоэл Монтейру (Ганвула, 73).
“Манчестер Сити”: Эдерсон, Аке, Рубен Диаш, Аканжи, Льюис, Ковачич, Грилиш, Родри, Матеуш Нунеш (Альварес, 72), Доку (Бернарду Сильва, 72), Ҳоланд.
Огоҳлантиришлар: Жоэл Монтейру (4), Камара (64).
“Ньюкасл” – “Боруссия Д” 0:1
Гол: 0:1 – 45 Нмеча.
“Ньюкасл”: Поуп, Триппьер, Шер, Ласселс, Берн (Таргетт, 70), Бруно Гимараэс, Лонгстафф (Тонали, 65), Альмирон, Жоэлинтон (Мерфи, 65; Уиллок, 70), Гордон, Исак (Уилсон, 15).
“Боруссия Д”: Кобел, Ҳуммелс, Шлоттербек, Бенсебайни, Забицер, Жан (Озжан, 43), Нмеча (Рейна, 79), Вольф, Ройс (Адееми, 63), Мален (Зюле, 78), Фюллькруг (Аллер, 79).
Огоҳлантиришлар: Вольф (35), Бруно Гимараэс (79).
“Селтик” – “Атлетико” 2:2
Голлар: 1:0 – 4 Фурухаси, 1:1 – 25 Гризманн, 2:1 – 28 Палма, 2:2 – 53 Мората.
“Антверпен” – “Порту” 1:4
Голлар: 1:0 – 37 Юсуф, 1:1 – 46 Эванилсон, 1:2 – 54 Эуштакиу, 1:3 – 69 Эванилсон, 1:4 – 84 Эванилсон.
“Лейпциг” – “Црвена Звезда” 3:1
Голлар: 1:0 – 12 Раум, 2:0 – 59 Симонс, 2:1 – 70 Стаменич, 3:1 – 84 Олмо.
Изоҳ (0)