Ар-Риёдда бокс оқшоми. Тайсон Фьюри Френсис Нганнуга қарши рингга кўтарилади

Саудия Арбистонининг Ар-Риёд шаҳрида 28 октябрь куни Queensberry компанияси томонидан бокс кечаси ташкил этилади.

Кечанинг асосий жанги оғир вазн тоифасида WBCнинг махсус камари учун Тайсон Фьюри (33-0-1) ва Френсис Нганну (профессионал боксда дебют) ўртасида кечади. 

Турнирнинг бошқа жанглари:

• Фабио Уордли (16-0) — Девид Аделее (12-0);
• Жозеф Паркер (32-3) — Саймон Кин (23-1);
• Арсланбек Махмудов (17-0) — Junior Энтони Райт (20-4-1).

Жанглар Тошкент вақти билан 23:00 да старт олади. 

Эслатиб ўтамиз, Тайсон Фьюри сўнгги жангини 2022 йил декабрь ойинда ўтказган ва жангнинг 10-раундида Дерек Чисорани техник нокаутга учратган эди. 

Френсис Нганну эса 2023 йил январь ойида UFC’ни тарк этганини маълум қилганди. Спортчи 2022 йил январь ойида октагондаги сўнгги жангини ўтказган ва Сирил Ган устидан ғалаба қозонганди.