Россияда ижарага олинган уйда ўзбекистонлик аёлнинг жасади топилди 

Санкт-Петербургдаги Космонавтов проспектидаги ижарага олинган 37-уйда ўзбекистонлик аёлнинг жасади топилди. Бу ҳақда 78.ru хабар берди.

Ташқи зўравонлик белгилари бўлмаган аёл жасади ётоқ остидаги жойда аниқланган. Марҳума икки ҳафта аввал ҳамюрти билан ушбу квартирани ижарага олган 28 ёшли Ўзбекистон фуқароси бўлган.

Қотилликда гумонланувчи 12 октябрь куни Пулководан Истанбулга учиб кетган. Эркак қидирувга берилган. Ўлим сабабини аниқлаш учун жасад ўликхонага юборилган. 

Марҳума яқинда Россияда қолиш қоидаларини бузгани учун 5 минг рубль (тахминан 54 доллар) миқдорида жаримага тортилган ва у мамлакатдан чиқариб юборилиши керак эди. Ҳозирда қотиллик бўйича жиноий иш очилган, зарурий экспертиза тайинланган, гувоҳлар сўроқ қилинмоқда.

Жасад қандай қилиб аниқлаган?

Квартирани ижарага олган оила уйга келганида ёқимсиз ҳидни сезган. Шундан сўнг улар хонадаги деразаларни очиб, дўконга кетган. 23 октябрга ўтар кечаси хонада ҳид кучайган.

Тахминан 15:00 да эркак чойшабни алмаштиришга қарор қилган. Бир неча дақиқадан сўнг у рафиқасига каравот остида одам оёқлари чиқиб турганини айтган. Қўрқиб кетган ижарачилар полиция ва квартира эгасига қўнғироқ қилган.