Россиянинг Ленинград вилоятида халқаро қидирувга берилган 25 ёшли Ўзбекистон фуқароси қўлга олинди. Бу ҳақда “47неwс.ру” нашри хабар берди.
Қайд этилишича, эркак вилоятнинг Тоснен тумани “Телман” посёлкасида қўлга олинган. У Ўзбекистондаги “Агробанк” филиалларидан бирида менежер бўлиб ишлаган вақтда мижозларнинг банк карталаридан пул ечиб олган. Собиқ ходим 70 миллион сўм миқдорида пулларни ўғирлашга муваффақ бўлгани айтилмоқда.
Аввалроқ Сурхондарё вилояти Термиз шаҳрида фуқаронинг банк картасидаги маблағларни ўғирлаган амалиётчи талабалар қўлга олинганди.
Пластик карталардан пул ўғирлаш ҳолатлари
Апрель ўрталарида Наманганда мактаб ўқувчиси устозининг пластик картасидан 2 миллион сўм ечиб олгани тўғрисида хабар берилганди. 2022 йил июлда эса Андижонда 8-синф ўқувчиси ўнлаб фуқароларнинг пулларини қўлга киритиб, PUBG ўйинига тикиб юборгани аниқланган эди. Июль бошида бўлса, Бухоро вилояти Ғиждувон туманидаги банк филиали кассири мижозларнинг 41 та банк карталаридаги маблағларни ўғирлагани маълум бўлди.
Изоҳ (0)