Бугунги кунда “ақлли” уйда яшаш одатий ҳолга айланиб бормоқда. Шу билан бирга ўзи боғланадиган кроссовка, рангини ўзгартирадиган либослар ҳам аллақачон яратилган.
Adobe'дан “ақлли” кийим
Яқинда бўлиб ўтган тақдимотда компания ўзининг янги Primerose лойиҳасини тақдим этди. Унинг яратувчиси Кристин Дирк тугмани босиш орқали дизайнини ўзгартирувчи қурилмасини шахсан намойиш қилди. Сеҳрга ўхшайди, аммо буларнинг барчаси тараққиёт меваси.
Athos спорт формаси
Аthos формаси нафақат ажойиб кўринишга ёрдам беради, балки машқларни тўғри бажаришингизга ишонч ҳосил қилади. Гап шундаки, дастур орқали машғулотда қайси мушак гуруҳлари иштирок этишини билиш ва нимадир нотўғри бўлса, техникани тузатиш мумкин. Бу қулайликларнинг барчаси шикастланмаслик учун.
ShiftWear кроссовкалари
Сизнингча, дунёда ҳамма нарсага мос келадиган пойабзал борми? Албатта бор, ShiftWear ишлаб чиқувчилари ажойиб ғояни ўйлаб топишди. Улар кроссовкаларнинг ён томонига дисплей ўрнатиб, уни ҳар қандай кўриниш учун универсал қилишди.
Owlet'дан чақалоқлар учун “ақлли” пайпоқ
Айтганча, ҳаётнинг биринчи кунлариданоқ илғор дунёнинг бир қисмига айланиш мумкин. Бу қурилма нафақат чақалоқнинг, балки ота-оналарнинг ҳам ҳаётини сезиларли даражада енгиллаштиради. Ушбу пайпоқни иловага улаб, унинг уйқу сифати, ҳарорати ва бошқа муҳим кўрсаткичларни кузатиш мумкин.
Wearаble Х дан “ақлли” иштон
Яна бир спорт қурилмаси. Албатта, у мураббий ўрнини босолмайди, лекин техникани бир оз яхшилашга ёрдам беради. Ёгада ҳар бир эгилиш муҳимлигини биласизми? Haваскор спортчи ҳар доим ўзи учун маълум бир поза тўғри бажарилганлигини аниқлай олмайди. Аммо иловага уланган иштонлар буни осонгина аниқлаб бера олади.
Blacksоcksпайпоқлари
Айтганча, катталар учун ҳам шунга ўхшаш нарса бор. Тўғри, бу қурилма бир оз бошқача мақсадларга хизмат қилади. Мисол учун, у ҳар бир пайпоқ неча марта ювилганини кузатиб боради ва турли хил пайпоқларнинг алмашиб қолишига йўл қўймайди. Илова ёрдамида пайпоқларнинг бир-бирига мос келишини аниқлаш мумкин.
Nike'дан ўзи боғланадиган кроссовка
Бу одатда ҳар бир инсоннинг орзуси ҳисобланади. Ахир кроссовкангиз аллақачон боғлаб қўйилган бўлса, вақтингиз ҳам тежалади. Мазкур қурилма ўз ишини кўнгилдагидек бажаради.
Изоҳ (0)