Ханчжоу—2022. Пара каноэчилар дебют Пара Осиё ўйинларида тенгсиз бўлди, Пара енгил атлетикачилар эса 4 та кумуш медални қўлга киритди

Ханчжоу—2022 IV Пара Осиё ўйинлари 24 октябрь, сешанба куни бўлиб ўтмоқда.

Пара каноэ бўйича эркаклар ўртасида  KL3 классида баҳслар якунланди. Ҳасан Қўлдашев 42.258 сония натижа билан маррага биринчи бўлиб етиб келди ва олтин медални қўлга киритди.

Пара каноэ бўйича аёллар ўртасида  KL3 классида ўтказилган баҳсларда Шахноза Мирзаева 50.680 сония натижа билан маррага биринчи бўлиб етиб келди ва делегасия ҳисобига навбатдаги олтин медални қўшиб қўйди.

Пара енгил атлетиканинг аёллар ўртасида F13 классида найза улоқтириш дастурида иштирок этган Нозимахон Қаюмова 43.36 метр натижа билан кумуш медални қўлга киритди.

Пара енгил атлетиканинг аёллар ўртасида F56 классида найза улоқтириш дастурида иштирок этган Наталия Семёнова 17.40 метр натижа билан кумуш медални қўлга киритди.

Пара каноэ бўйича эркаклар ўртасида  VL3 классида ўтказилган баҳсларда Ҳайтмурод Шерқўзиэв 49.345 сония натижа билан маррага биринчи бўлиб етиб келди ва делегация ҳисобига навбатдаги олтин медални ёздириб қўйди.

Пара енгил атлетиканинг F54 классида аёллар ўртасида ядро улоқтириш дастурида иштирок этган Нурхон Қурбонова 7.34 метр натижа билан иккинчи бўлди ва кумуш медални қўлга киритди.

Ҳозиргина пара енгил атлетиканинг эркаклар ўртасида Т36 классида  узунликка сакраш баҳсида Иззат Турғунов ўз иштирокини якунлади. 

Турғунов 5.55 метр натижа билан кумуш медални қўлга киритди.