ОЧЛ. “ОКМК” ўз майдонида Эрон клубига имкониятни бой берди

Футбол бўйича Осиё Чемпионлар Лигаси гуруҳ босқичининг 3-турида “ОКМК” 23 октябрь, душанба куни “Сепахон”га қарши баҳс олиб борди.

Учрашувнинг 32-дақиқасида Рамин Ризо ҳисобни очди. Орадан 4 дақиқа ўтиб, Миржаҳон Мираҳмадов чап оёқдаги ажойиб зарбаси билан ҳисобни тенглаштирди.

Иккинчи бўлим бошида Рамин Ризо дублни расмийлаштирди. 60-дақиқада Ризо Асади ҳисобни ишончли кўринишга олиб келди.

Қолган дақиқаларда дарвозалар ишғол этилмади ва “Сепахон” 3:1 ҳисобида ғалаба қозонди.

Эслатиб ўтамиз, олмалиқликлар 1-турда “Ал-Иттиҳод”га 0:3 ҳисобида имкониятни бой берганди. 2-турда эса “Эйр-Форс”га 1:2 ҳисобида мағлуб бўлганди. 

ОЧЛ

3-тур баҳси

23 октябрь, душанба

“ОКМК” – “Сепахон” 1:3

Голлар: 0:1 — 32 Рамин Ризо, 1:1 — 36 Миржаҳон Мираҳмадов, 1:2 — 49 Рамин Ризо, 1:3 — 60 Ризо Асади.

“ОКМК”: 1. Ботирали Эргашев, 29. Виталий Денисов (34. Улуғбек Суннатов, 28), 3. Сардор Раҳмонов, 5. Анзур Исмоилов (40. Жаҳонгир Фазилов, 46) 2. Акрамжон Комилов, 15. Ойбек Рустамов, 17. Санжар Турсунов, 18. Бахтиёржон Қосимов (24. Мурат Эрматов, 82), 19. Муҳаммаданас Ҳасанов (27. Мартин Боаке,55), 14. Миржаҳон Мираҳмадов, 10. Хуршид Ғиёсов (38. Сирожиддин Башриддинов, 82).

“Сепахон”: 1. Паям Ниязманд, 5. Ризо Асади, 6. Брян Дабо, 7. Иса Алкасир, 9. Рамин Ризо Эянсемисканди, 10 Фаршад Аҳмадзода, 14. Аря Юсуфи, 18. Милад Закипур, 58. Муҳаммад Данишгар, 66. Муҳаммад Гурбани, 86. Жавад Ҳуссайиннажод (91. Нилсон Барбоса, 58)

Огоҳлантиришлар: Аря Юсуфи (4), Ризо Асади (77), Ойбек Рустамов (90+4).