Шайхонтоҳур ва Чилонзор туманларининг айрим ҳудудларида 23 октябрь куни иссиқ сув таъминоти вақтинча тўхтатилади. Бу ҳақда Veolia Energy Tashkent компанияси хабар берди.
Қайд этилишича, Хўжаев кўчасидаги иссиқлик тармоқларида авариявий ишлар олиб борилади ва тегишли жиҳозлар алмаштирилади. Шу муносабат билан 23 октябрь куни қуйидаги манзилларда иссиқ сув таъминоти вақтинча тўхтатилади:
- Шайхонтоҳур тумани — Қўратош, Чорсу ва Бешёғоч даҳалари.
- Чилонзор тумани — Олмазор даҳаси.
Иссиқ сув таъминоти таъмирлаш ишлари тугалланиши биланоқ (бугун соат 21:00 гача) тикланади.
Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди ва иссиқ сув таъминотини тезроқ тиклаш учун барча зарур чораларни кўради.
Аввалроқ Тошкентнинг Яшнобод туманида тармоқ қувурларини ўтказиш ишлари йўл қатновининг маълум қисми ёпилган ҳолда ўтказилиши тўғрисида хабар берилганди. Шунингдек, Миробод туманининг айрим кўчаларида иссиқ сув таъминоти бир неча кун давомида бўлмаслиги айтилган эди. Бунга Нукус—Ойбек кўчаси кесишмасида жойлашган иссиқ сув қувурларида 7 октябрь куни авария ҳолати юз бергани сабаб бўлмоқда.
Изоҳ (0)