Ўзбекистоннинг Мадриддаги элчихонасида Испания Сиёсат ва хавфсизлик таҳлили институти (IDAPS) президенти Мануел Морато билан учрашув бўлиб ўтди. Бу ҳақда “Дунё” агентлиги хабар берди.
Қайд этилишича, суҳбат чоғида Ўзбекистон ва Испания таҳлил марказлари ўртасида ўзаро манфаатли ҳамкорликни йўлга қўйиш масалалари атрофлича муҳокама қилинган.
Томонлар стратегик шерикликни кенгайтиришдан манфаатдор эканликларини билдирган. Шу муносабат билан, Испания таҳлил марказларининг етакчи экспертлари ва манфаатдор вазирлик ҳамда идоралар вакиллари иштирокида Ўзбекистоннинг янги ташқи сиёсати ва унинг Марказий Осиёда хавфсизлик архитектурасини шакллантиришдаги ўрни ҳақида мунтазам равишда қўшма давра суҳбатлари ва семинарлар ўтказишга келишиб олинган.
Яқин вақт оралиғида Ўзбекистоннинг таҳлил институтлари билан ўзаро ҳамкорликнинг йўлга қўйилиши юзасидан ҳам келишувга эришилган.
Ўзбекистон ва Озарбайжон мудофаа вазирлари ҳарбий ҳамкорлик йўлга қўйилиши, Шавкат Мирзиёев ҳамдўстлик доирасидаги ўзаро манфаатли ҳамкорликни янада кенгайтириш бўйича қатор ташаббусларни илгари сургани тўғрисида хабар берилганди.
Изоҳ (0)