ҲАМАС томонидан Ғазо секторида гаровга олинганлар сони 210 нафарга етди ва бу ҳақда уларнинг оила аъзолари аллақачон хабардор қилинган. Бу ҳақда Исроил мудофаа кучларининг кундалик ҳисоботида маълум қилинди.
Шунингдек, Исроил вакили Даниэль Хагарий брифингда ҳалок бўлган исроиллик ҳарбийлар сони 307 нафарга етганини ҳам маълум қилди.
Исроилнинг Фаластиннинг ҲАМАС ҳаракати билан уруши 7 октябрдан бери давом этмоқда. Кеча, 20-октябрь куни ҲАМАС икки нафар гаровга олинганларни – АҚШ фуқаролари Жудит ва Натали Раананларни озод қилди.
Bloomberg манбаларининг хабар беришича, Қўшма Штатлар ва Европа Иттифоқи Исроилни “ҳеч бўлмаганда бир неча тинч аҳолини” озод қилиш бўйича ҲАМАС билан музокараларга вақт ажратиш учун Ғазо секторидаги қуруқликдаги операцияни кечиктиришга чақирган. Тhe Wall Street Journal нашрига кўра, АҚШ, Исроил ва Қатар ўртасида ҲАМАС билан гаровга олинган 50 киши бўйича музокаралар муваффақиятсизликка учраган.
Изоҳ (0)