Исроил ва ҲАМАС ҳаракати ўртасидаги можаро оқибатида 22 нафар журналист ҳалок бўлди. Бу ҳақда Журналистларни ҳимоя қилиш қўмитаси (CPJ) хабар берди.
Маълумотларга кўра, саккиз нафар ОАВ ходими яраланган, уч нафари бедарак йўқолган ёки қўлга олинган.
CPJ'нинг аниқлик киритишича, ҳалок бўлганларнинг 18 нафари фаластинлик, уч нафари Исроил фуқароси, бир нафар эса ливанлик. Таъкидланишича, Ғазо секторидаги журналистлар “Исроилнинг қуруқликдаги, ҳалокатли ҳаво ҳужумлари, алоқа ва электр таъминотидаги узилишлар сабаб можарони ёритишга уриниб, хавфга дучор бўлмоқда”.
Аввалроқ Al Jazeera телеканали Яқин Шарқда ҲАМАС ва Исроил ўртасида можаро бошланган 7 октябрдан бери Ғазо секторида қурбон бўлганлар сони 4 мингдан ошгани тўғрисида хабар берилганди. 4137 нафарга яқин фаластинлик ҳалок бўлган, 13 мингдан ортиқ киши жароҳатланган. Яна мингга яқин одам (аксарияти болалар) ҳамон бедарак йўқолганлар рўйхатида қолмоқда.
Изоҳ (0)