18 октябрь куни кечқурун соат саккиздан бошлаб Россия қўшинлари Украинага “Искандер-М” баллистик ракеталари, Shahed-136/131 типидаги ҳужумчи дронлар, шунингдек, бошқариладиган авиатехнологиялар ва зенит ракеталари билан ҳужум қилди. Бу ҳақда Украина Қуролли кучлари ҳаво кучлари хабар берди.
Украина армияси маълумотларига кўра, ҳаво ҳужумидан мудофаа қўшинлари 17 та нишондан тўрттасини (битта ракета ва учта дрон) уриб туширишга муваффақ бўлган. Ракета ва дронлар Донецк, Николаев, Суми, Днепропетровск ва Запорожье вилоятларига ҳужум уюштирган.
Николаев вилояти ҳарбий маъмурияти раҳбари Виталий Кимнинг сўзларига кўра, соат 20:30 да рус қўшинлари Степовская маҳалласидаги аҳоли пунктига ракета отган. Оқибатда икки киши ҳалок бўлган, яна бир киши жароҳатланган. Кечаси шу қишлоққа дрон қолдиқлари тушиб, бир қаватли омборнинг томи ёниб кетган.
Тунда ҳам Николаев ракета ҳужумига учради, оқибатда турар жой бинолари вайрон бўлди ва корхоналардан бирининг ҳудудида фойдаланилмаётган омбор ёниб кетди. Кимнинг сўзларига кўра, ҳеч ким жабрланмаган.
Днепропетровск вилоятида ракета ҳужуми оқибатида Павлограддаги инфратузилма объектига зарар етди. Яна бир ракета Украина Қуролли кучларининг “Восток” оператив қўмондонлиги ҳарбийлари томонидан уриб туширилди, деб хабар берди минтақа раҳбари Сергей Лисак. Унинг сўзларига кўра, қурбонлар йўқ.
Сумида дрон инфратузилма обектига зарба етказди, дейилади Суми вилояти ҳарбий маъмуриятининг Telegram каналида. Дастлабки маълумотларга кўра, ҳеч ким жабрланмаган. Ҳужумнинг бошқа тафсилотлари келтирилмаган.
Изоҳ (0)