Россия қўшинларнинг Запорожье вилояти Орехов шаҳрига зарбаси оқибатида тўрт киши ҳалок бўлди, деб маълум қилди вилоят ҳарбий бошқармаси бошлиғи Юрий Малашко.
Малашко Telegram’да ёзишича, гуманитар ёрдам тарқатилаётган пайтда турар жой ҳудудига бошқариладиган авиабомба келиб тушган.
“Уч аёл ва бир эркак воқеа жойида ҳалок бўлди”, — деди вилоят ҳарбий бошқармаси бошлиғи ва бу фожиа ҳарбий жиноят эканини таъкидлади.
Малашконинг ҳисоботида Ореховодаги 11 ярадор ҳақида сўз борди. Кейинроқ Украина Бош прокуратураси 13 нафар ярадор борлигини маълум қилди.
Украина Бош прокуратураси маълумотларига кўра, шаҳардаги мактаб ичида жойлашган гуманитар марказ вайрон қилинган. Украина Мудофаа вазирлигининг аниқлик киритишича, рус қўшинлари Ореховга иккита бошқариладиган авиабомба билан зарба берган.
Изоҳ (0)