“Браво” кулги жамоаси аъзоси Отабек Мирзахолов катта вазн йўқотгани саҳнадаги хатти-ҳаракатларида яққол сезилмоқда. Комик актёр бунга қандай эришди? “Дарё” мухбири Наргиза Муродова бу саволга ойдинлик киритиш учун Отабек Мирзахолов билан суҳбатлашди.
— Ошқозон билан боғлиқ ҳеч қандай операцияни қилдирганим йўқ. Шунчаки зарарли одатларни ташладим. Анчадан буён спорт билан шуғулланмаётган эдим. Катта спортга қайтиб, йигитлар билан мунтазам футбол ўйнашга қарор қилдик. Тўрт ойдан буён ҳафтада икки кун футбол ўйнашга жиддий эътибор беряпмиз. Офисимизга ҳам стол тенниси ўрнатганмиз. Иш орасида бирор шуғулланиб оёқнинг чигалини ёзиб турибмиз.
Энг муҳими, газли ва энергетик ичимликлар умуман ичмаяпман. Овқатдан ҳам бир оз диета қиляпман, аммо эркак киши учун қатъий парҳезга амал қилиш жуда қийин. Ҳозирча 35 кг га оздим. Жуда семириб, ўзимни ноқулай ҳис қила бошлагандим. Озмасам бўлмасди, — дейди Отабек Мирзахолов.
Агар концертнинг саҳна орти жараёнлари билан танишишни истасангиз, махсус репортажни томоша қилинг:
Изоҳ (0)