“Bravo” kulgi jamoasi aʼzosi Otabek Mirzaxolov katta vazn yo‘qotgani sahnadagi xatti-harakatlarida yaqqol sezilmoqda. Komik aktyor bunga qanday erishdi? “Daryo” muxbiri Nargiza Murodova bu savolga oydinlik kiritish uchun Otabek Mirzaxolov bilan suhbatlashdi.
— Oshqozon bilan bog‘liq hech qanday operatsiyani qildirganim yo‘q. Shunchaki zararli odatlarni tashladim. Anchadan buyon sport bilan shug‘ullanmayotgan edim. Katta sportga qaytib, yigitlar bilan muntazam futbol o‘ynashga qaror qildik. To‘rt oydan buyon haftada ikki kun futbol o‘ynashga jiddiy eʼtibor beryapmiz. Ofisimizga ham stol tennisi o‘rnatganmiz. Ish orasida biror shug‘ullanib oyoqning chigalini yozib turibmiz.
Eng muhimi, gazli va energetik ichimliklar umuman ichmayapman. Ovqatdan ham biroz diyeta qilyapman, ammo erkak kishi uchun qatʼiy parhezga amal qilish juda qiyin. Hozircha 35 kg ga ozdim. Juda semirib, o‘zimni noqulay his qila boshlagandim. Ozmasam bo‘lmasdi, — deydi Otabek Mirzaxolov.
Agar konsertning sahna orti jarayonlari bilan tanishishni istasangiz, maxsus reportajni tomosha qiling:
Izoh (0)