Қирғизистон ва Ўзбекистон давлат чегарасини ноқонуний кесиб ўтган уч нафар ёлланма қотил ушланди, деб хабар бермоқда “24.kg” Қирғизистон Миллий хавфсизлик давлат қўмитасига таяниб.
Қайд этилишича, бу шахслар Қирғизистонга криминал авторитет Қамчибек Asanбек (Қўлбоев) ўлими учун қасос олиш мақсадида борган. Қўлга олиш чоғида улар бир қатор фуқароларнинг қотиллигига алоқадорлиги учун қидирувда экани маълум бўлган.
Ушланганлар Ўзбекистон фуқаролари экани айтилмоқда: Каримбердиев Ойбек Аббос ўғли (1997 йилда туғилган), Рустамов Азамат Шуҳратович (1996) ва Абдулкаффаров Исломхон Абдусамат ўғли (1994).
Тергов-қидирув тадбирлари давомида улар жиноий дунё вакилларидан Қамчибек Asanбек ўлими учун қасос олишга буюртма олишганини маълум қилди. Миллий хавфсизлик давлат қўмитаси ва “Алфа” махсус хизмати билан ҳамкорликда олиб борилган тезкор тадбирлар доирасида юқоридаги жиноятчилар 13 октябрь куни Бишкек шаҳрида қўлга олиниб, Ўзбекистон ҳуқуқ-тартибот идораларига топширилди, — дейилади хабарда.
4 октябрь куни Бишкекда ўтказилган махсус операция давомида криминал авторитет Қамчибек Қўлбоев ўлдирилган эди. Миллий хавфсизлик давлат қўмитаси матбуот маркази қуролли қаршилик кўрсатган уюшган жиноий гуруҳ раҳбари қўлга олиш чоғида ўлдирилгани ҳақида хабар берди.
Шундан сўнг Қирғизистонда “тозалаш” бошланди. Тергов маълумотларига кўра, Қамчибек Қўлбоевнинг жиноий фаолиятига алоқадор ёки унга ҳомийлик қилган ўнлаб одамлар қўлга олинган.
Изоҳ (0)