Истиқболли лойиҳалар миллий агентлиги айрим суғурта ташкилотларига нисбатан жарима санкцияларини қўллади. Бу ҳақда агентлик матбуот хизмати хабар берди.
Ўзбекистон президентининг 2023 йил 2 сентябрдаги “Капитал бозорини ривожлантиришнинг қўшимча чора-тадбирлари тўғрисида”ги қарорида белгиланган суғурта бозорини назорат қилиш бўйича вазифа ва функцияларини амалга ошириш доирасида 8 та суғурта ташкилотига нисбатан жарима санкциялари қўлланилган.
Жумладан, суғурта ташкилотларининг молиявий кўрсаткичларини ўрганиш натижаларига кўра, қонунчилик ҳужжатларида белгиланган меъёрларга риоя қилмаслик фактлари аниқланиб, бунинг натижасида 254,5 миллион сўм миқдорида жарима солинган.
Маълумот учун, 2017 йилда Ўзбекистонда 27 та суғурта компанияси фаолият олиб борган бўлса, 2022 йилда уларнинг сони 51,8 фоизга ошиб, 41 тага етган. 2022 йилда мижозлар учун суғурта тўловларининг умумий миқдори 2,6 триллион сўмни ташкил қилди ва бу 2017 йилдагига нисбатан 9,6 баравар кўп.
Изоҳ (0)